रत्नागिरी जिल्हा परिषदेत प्राथमिक शिक्षणाधिकारी पदासाठी उत्सुकता शिगेला

रत्नागिरी दि. १ ऑगस्ट :- रत्नागिरी जिल्हा परिषदेच्या प्राथमिक शिक्षणाधिकारी सौ. सुनीता शिरभाते या आज, शुक्रवार (दि. 31 जुलै) रोजी सेवानिवृत्त झाल्या. आपल्या कार्यकाळात प्रशासनातील शिस्त, निर्णयक्षमता, पारदर्शक कारभार आणि सर्वसामान्य कर्मचारी व शिक्षकांशी जपलेला स्नेहभाव अगदी कर्मचाऱ्यांच्या टेबल वर जाऊन काम पूर्ण करून घेण्याची कोणताही कमी पणा न समजता कामे करून घेण्यात त्या माहीर होत्या यामुळे त्यांनी वेगळी ओळख निर्माण केली. त्यांच्या सेवानिवृत्तीनंतर आता जिल्हा परिषदेच्या प्राथमिक शिक्षणाधिकारी पदावर कोणाची वर्णी लागणार, याकडे शिक्षण विभागासह संपूर्ण जिल्ह्याचे लक्ष लागले आहे.

या महत्त्वाच्या पदासाठी अनेक वरिष्ठ अधिकाऱ्यांची नावे चर्चेत असून, विविध स्तरावर तर्क-वितर्कांना उधाण आले आहे. अधिकृत नियुक्ती आदेश अद्याप निर्गमित झालेला नसला तरी इच्छुक अधिकाऱ्यांच्या नावांबाबत शिक्षण विभागात तसेच जिल्ह्यातील शैक्षणिक वर्तुळात चर्चेला वेग आला आहे. पुढील प्राथमिक शिक्षणाधिकारी म्हणून कोणाची नियुक्ती होणार, याबाबत कर्मचारी, शिक्षक आणि शिक्षण क्षेत्रातील सर्व घटकांमध्ये उत्सुकता निर्माण झाली आहे.

दरम्यान, शिरभाते मॅडम यांच्या सेवानिवृत्तीनिमित्त जिल्हाभरातून त्यांच्यावर शुभेच्छांचा वर्षाव करून त्यांच्या उल्लेखनीय कार्याचा गौरव करण्यात आला. नव्या प्राथमिक शिक्षणाधिकाऱ्यांच्या नियुक्तीबाबतचा अधिकृत आदेश येत्या काही दिवसांत प्रशासनाकडून निर्गमित होण्याची शक्यता व्यक्त केली जात आहे. त्यामुळे या पदावर नेमकी कोणाची वर्णी लागते, याकडे आता सर्वांचे लक्ष लागून राहिले आहे.