महाआघाडीच्या माध्यमातून निवडणूक लढवायची राष्ट्रवादी काँग्रेस (शप) तयारी : बारक्याशेठ बने
देवरूख दि. १५ :- संगमेश्वर तालुक्यात जिल्हा परिषद व पंचायत समिती या स्थानिक स्वराज्य संस्थांच्या निवडणुकांमध्ये राष्ट्रवादी काँग्रेस शरद पवार गटाची उबाठा व मनसे, वंचित बहूजन आघाडी सोबत महाआघाडी करण्यासाठी प्रयत्न सुरू केले आहे.
तालुक्यातील सात जिप गट व चौदा पं. स. गणपैकी एक जिप गट व तीन ते चार पंचायत समिती गण राष्ट्रवादी काँग्रेस शरद पवार गटाला मिळाले पाहिजेत अशी मागणी करण्यात आली असल्याची माहिती जिल्हाध्यक्ष बारक्याशेठ बने यांनी माध्यमांशी बोलताना व्यक्त केली.
संगमेश्वर तालुक्यात उबाठाची ताकद जास्त आहे. त्यातच आता मनसे व वंचित बहूजन आघाडीला सोबत घेऊन या निवडणुकीत ताकदीनिशी उतरून पंचायत समिती वर महा आघाडीचा झेंडा फडकविण्यात यशस्वी होवू , असा विश्वास त्यांनी व्यक्त केला.
राष्ट्रवादी काँग्रेस शरद पवार गटाला धामापूर गट व साडवली, हातीव, दाभोळे गण मिळावेत, अशी अपेक्षा व्यक्त करून साडवली गणात सौ. आर्या लोकम या उच्च शिक्षित महीला तर हातीव गणात राष्ट्रवादी काँग्रेसचे युवक अध्यक्ष व तंटामुक्ती अध्यक्ष रेहान गडकरी दाभोळे गणातून कोलापटे हे सामाजिक कामात अग्रेसर असलेले व चांगले काम करणाऱ्यांना उमेदवारी मिळावी म्हणून आम्ही आग्रही भूमिका घेतली असून आम्ही महाआघाडीचा माध्यमातून ही निवडणूक लढविणार असल्याचे श्री. बने यांनी स्पष्टपणे सांगितले.
