टेंभ्ये रत्नागिरी गावचे ग्रामदैवत श्रीदेव भैरी जुगाईची पालखी उद्या रत्नागिरीचे ग्रामदैवत श्रीदेव भैरीच्या भेटीला जाणार
रत्नागिरी दि. १ :- प्रतिवर्षाप्रमाणे टेंभ्ये रत्नागिरी गावचे ग्रामदैवत श्रीदेव भैरी जुगाईची पालखी मिरवणूक दि. २ मार्च रोजी दुपारी ०१.०० वाजता रत्नागिरीचे ग्रामदैवत श्रीदेव भैरीच्या भेटीला जाणार आहे.
ग्रामदैवत श्रीदेव भैरी जुगाई टेंभ्ये श्री. सिध्देश्वर मंदिरातुन ढोल ताशाच्या गजरामध्ये काजरघाटी, नाचणे, मारुती मंदिर, एसटी स्टैंड, मारुती आळी, गोखलेनाका, विठ्ठल मंदिर, काँग्रेस भवन, श्री मुलीधर मंदिर खालची आळी येथुन श्री भैरी देव मंदिरात भेटीसाठी रात्री ०८.३० पर्यंत जाईल. तेथे भाविकांच्या दर्शनासाठी मंदिरात थांबेल. तेथून परत खालची आळी मार्ग, श्री मुलीधर मंदिर मार्गे, काँग्रेस भवन, गोखले नाका, राधाकृष्ण नाका, धनजीनाका मार्गे सिटी पोलिस स्टेशन येथे जाईल. तेथून धनजी नाका, गवळीवाडा, हेडक्वाटर, श्री महापुरुष मंदिर, पोलिस लाईन मार्गे माळनाका येथून वाहनाने टेंभ्ये येथे मुख्य मानकरी कै. सदानंद सखाराम साळवी यांची आरती घेऊन चौसोपी वाडी येथे प्रमोद आग्रे यांच्या घरा शेजारी होळी तोडण्याच्या ठिकाणी थांबेल.
दिनांक ०३/०३/२०२६ रोजी सकाळी ०९.०० वाजता होळी तोडण्याचा कार्यक्रम होईल. तेथून होळीसह पालखी पारंपारीक वाटेने श्री भैरी जुगाई मंदिर टेंभ्ये येथे सहानेवर विराजमान होईल.
त्यानंतर पालखी नाचवण्याचा कार्यक्रम होईल. सर्व भाविकांना कळविण्यात येते की, सायंकाळी ०६.४० वाजता होळी उभी करण्यात येईल. होळीची विधीवत पुजा होईल नंतर गाव गाऱ्हाणे होवून ओटया भरण्याचा कार्यक्रम होईल तरी सर्व भाविकांनी दर्शनाचा लाभ घ्यावा, असे आवाहन श्री भैरीजुगाई वरदायीनी भराडीन देवस्थान टेंभ्येच्यावतीने करण्यात आले आहे.
