रत्नागिरी, दि. २० :- पर्यटन व सांस्कृतिक कार्य विभागाच्या 2 फेब्रुवारी 2026 रोजीच्या शासन निर्णयानुसार छत्रपती शिवाजी महाराज जयंतीनिमित्त जिल्हास्तरावर सांस्कृतिक कार्यक्रम आयोजित करण्यात येणार आहेत.
त्याअनुषंगाने स्वातंत्र्यवीर वि. दा. सावरकर नाट्यगृह येथे 24 फेब्रुवारी रोजी सायंकाळी 4 वाजता ‘जागर शिवबाचा’ हा शिवशाहीर प्राध्यापक प्रविण जाधव आणि संच व सोबत टीम भालकर्सचे नृत्याविष्कार, मर्दानी खेळ आणि 25 फेब्रुवारी रोजी सायंकाळी 4 वाजता रायगडाला जेव्हा जाग येते, (सादरकर्ते श्रींची इच्छा) या कार्यक्रमांचे आयोजन करण्यात आले आहे. तरी नागरिकांनी या कार्यक्रमाला उपस्थित रहावे, असे आवाहन प्र. तहसिलदार सर्वसाधारण संजय भालेराव यांनी केले आहे.
