स्वतिक हॉस्पिटल व चिरायु हॉस्पिटलच्या संस्थापिका, रत्नागिरी जिल्ह्यातील पहिल्या स्त्रीरोग तज्ञ डाॅ. सौ. सुनिता रमेश चव्हाण यांचे निधन

रत्नागिरी दि. २० :- येथील स्वतिक हॉस्पिटल व चिरायु हॉस्पिटलच्या संस्थापिका रत्नागिरी जिल्ह्यातील पहिल्या स्त्रीरोग तज्ञ डाॅ. सौ. सुनिता रमेश चव्हाण यांना आज पहाटे दीर्घ आजाराने निधन झाले. मृत्युसमयी त्या ८६ वर्षाच्या होत्या.

त्यांचे पार्थिव अंत्यदर्शनासाठी त्यांचे राहते घरी स्वस्तिक बंगला, माळनाका येथे दुपारी २ ते सायंकाळी ४ वाजेपर्यंत ठेवण्यात येणार आहे. त्यांची अंत्ययात्रा स्वस्तिक बंगला माळनाका ते चर्मालय स्मशानभूमी अशी सायंकाळी ४ वाजता राहत्या घरातून निघणार आहे.

त्यांचे पश्चात पती डॉ. रमेश चव्हाण, मुलगा डॉ. नितीन चव्हाण, मुलगी डॉ. सौ. पल्लवी यादव, मुलगी डॉ. सौ. वैभवी इंदुलकर, जावई, सून नातवंडे असा परिवार आहे.