टीबी मुक्त भारत अभियानांतर्गत गावपातळीवर तपासणी व जनजागृती उपक्रम

जैतापूर दि. २९ :- टीबी मुक्त भारत अभियान अंतर्गत टिबी मुक्त पंचायत या उपक्रमाचा एक महत्त्वपूर्ण टप्पा म्हणून आज दिनांक 28 नोव्हेंबर 2025 रोजी प्राआकेंद्र फूपेरे कार्यक्षेत्र – आयुष्यमान आरोग्य मंदिर गोठणे दोनिवडे कार्यक्षेत्रात व्यापक तपासणी शिबिरांचे आयोजन करण्यात आले. गोठणे दोनिवडे येथील आयुष्मान आरोग्य मंदिरात सकाळी 9:00 पासून संध्याकाळी 5:00 पर्यंतवाजेपर्यंत एकूण 139 छातीचे एक्स-रे तसेच टीबी चाचण्या पार पडल्या.

उंच डोंगरावर अतिदुर्गम भागामध्ये घेण्यात आलेल्या या तपासणी मोहिमेसाठी गोठणे दोनिवडे,शिळं, आंगले, दोनिवडे, फूपेरे या गावांमधून ग्रामस्थ उपस्थित होते. या ग्रामस्थाना येण्यासाठी व परत घरी सोडणे साठी प्राआकेंद्रस्तरावरून व गाव पातळी वरून वाहनाचे नियोजन करण्यात आले होते. या उपक्रमात जिल्हास्तरावरून आरोग्य पर्यवेक्षक मंगेश पाटील,एक्स-रे टेक्निशियन श्री हंगे, वैद्यकीय अधिकारी, फूपेरे डॉ कांबळे मॅडम , आरोग्य सहाय्यक श्री कळसकर, समुदाय आरोग्य अधिकारी देवकाते, एस टी एस श्री कोकणे तसेच प्राथमिक केंद्रातील सर्व आरोग्य सेवक, सेविका, गटप्रवर्तक, आशा कार्यकर्त्या आणि अंगणवाडी सेविका यांचा सक्रिय सहभाग लाभला.

या संपूर्ण मोहिमेसाठी जिल्हास्तरावरून जिल्हा क्षयरोग अधिकारी डॉ .महेंद्र गावडे यांनी मोलाचे मार्गदर्शन केले. त्यांच्या सूचनेनुसार शिबिरामध्ये तपासणी झालेल्या सर्व रुग्णांची निक्षय पोर्टलवर 100% नोंदणी करण्यात येत असून, संबंधित सर्व तपासण्या तत्काळ भरण्याचे काम सुरू आहे.

अशा प्रकारच्या उपक्रमांमुळे टीबी मुक्त भारत अभियानाला गावपातळीवर बळकटी मिळत असून, लवकर निदान–लवकर उपचार या धोरणालाही गती मिळत आहे. टीबीची लक्षणे आढळल्यास तत्काळ जवळच्या आरोग्य केंद्रात तपासणी करून घ्यावी,असे आवाहन डॉ महेंद्र गावडे यांनी केले आहे.

टीबीसाठी आवश्यक सर्व तपासण्या ग्रामिण रूग्णालय राजापूर व रायपाटण येथे मोफत केल्या जातात, असे आवाहन डॉ. राम मिस्त्री वैद्यकीय अधीक्षक राजापूर व रायपाटण, डॉ लोकरे तालुका आरोग्य अधिकारी राजापूर यांच्यावतीने सांगण्यात आले.